Hyderabad: వేడుకల్లో దూరతాడు.. బహుమతులు కొట్టేస్తాడు

స్వాధీనం చేసుకున్న వస్తువులతో పోలీసులు

సైదాబాద్‌, న్యూస్‌టుడే: కరోనా మహమ్మారి ప్రభావంతో కూరగాయల వ్యాపారం దెబ్బతింది. ఆర్థిక ఇబ్బందులతో.. దొంగగా అవతారమెత్తాడు. కల్యాణ మండపాల్లో జరిగే వేడుకలకు వెళ్లి.. అతిథులు అందజేసే బహుమతులు ఎత్తుకెళ్తున్న దొంగను సైదాబాద్‌ పోలీసులు పట్టుకున్నారు. అతడి నుంచి రూ. లక్ష నగదు, 10 తులాల బంగారు గొలుసు,  చరవాణి స్వాధీనం చేసుకున్నారు. నిందితుడు (42) నగరానికి చెందిన వాడని చెబుతున్నా పేరు, ఇతర వివరాల వెల్లడికి పోలీసులు నిరాకరించారు. నిందితుడు ఈ ఏడాది ఫిబ్రవరిలో మినర్వా గార్డెన్స్‌లో జరిగిన ఓ పెళ్లి రిసెప్షన్‌లో రూ. 4 లక్షలు ఉంచిన బ్యాగును కాజేశాడు. మే నెలలో సామ నర్సింహారెడ్డి గార్డెన్స్‌లో వివాహ వేడుకలో  10 తులాల బంగారు గొలుసు, రెండు చరవాణులు ఎత్తుకెళ్లాడు.  సీసీ ఫుటేజీలు, సాంకేతిక ఆధారాలతో గుర్తించి గురువారం అదుపులోకి తీసుకున్నట్లు సీఐ సుబ్బరామిరెడ్డి, డీఐ బి. చంద్రమోహన్‌ తెలిపారు.