మంత్రి కేటీఆర్‌ ‘ఆట’విడుపు

కేపీహెచ్‌బీలో మేయర్‌ విజయలక్ష్మితో కలిసి షటిల్‌ ఆడుతున్న మంత్రి కేటీఆర్‌

కూకట్‌పల్లి, న్యూస్‌టుడే: కూకట్‌పల్లి నియోజకవర్గంలో మంత్రి కేటీఆర్‌ శుక్రవారం విస్తృతంగా పర్యటించి రూ.28.51 కోట్ల అభివృద్ధి పనులకు శంకుస్థాపనలు, ప్రారంభోత్సవాలు చేశారు. ఉదయం 11 గంటలకు కేపీహెచ్‌బీకాలనీ ఏడోఫేజ్‌లో ప్రారంభమైన ఆయన పర్యటన మధ్యాహ్నం 1.20 గంటలకు ఓల్డ్‌బోయిన్‌పల్లి ఆర్‌ఆర్‌నగర్‌లో ముగిసింది. కేపీహెచ్‌బీ ఏడో ఫేజ్‌లో కైలాసవాసం పేరిట నిర్మించిన శ్మశానవాటికను పారిశుద్ధ్య కార్మికురాలితో ప్రారంభింప చేయించారు. ఇండోర్‌ షటిల్‌ కోర్టులను ప్రారంభించిన సందర్భంలో మేయర్‌ గద్వాల్‌ విజయలక్ష్మి, ఎమ్మెల్యే మాధవరం కృష్ణారావుతో కలిసి రాకెట్‌ పట్టుకుని షటిల్‌ ఆడారు. మంత్రిని కలిసేందుకు వచ్చిన పలువురు మహిళలను ఆప్యాయంగా పలకరించి వారితో సెల్ఫీలు దిగారు.