అభివృద్ధికి ఎన్ని నిధులైనా తెస్తా: ఎమ్మెల్యే

చరవాణిలో అధికారులతో మాట్లాడుతున్న ఎమ్మెల్యే రోహిత్‌రెడ్డి

బషీరాబాద్‌, న్యూస్‌టుడే: ఎన్ని నిధులైనా తెచ్చి తాండూరు నియోజకవర్గాన్ని అన్ని రంగాల్లో అభివృద్ధి చేయడమే తన ధ్యేయమని తాండూరు ఎమ్మెల్యే రోహిత్‌రెడ్డి అన్నారు.  ముఖ్యమంత్రి సహకారంతో తాండూరు ప్రజలకు న్యాయం చేయాలనుకున్నానని తెలిపారు. పల్లెపల్లెకు పైలెట్‌ కార్యక్రమంలో భాగంగా బషీరాబాద్‌ మండలం నీళ్లపల్లి ఏకాంబర రామలింగేశ్వరాలయంలో ప్రత్యేక పూజలు చేసి ప్రారంభించారు. మైల్వార్‌, మైల్వార్‌ తండా, ఎక్మాయి గ్రామాల్లో ఎమ్మెల్యే పర్యటించి ప్రజా సమస్యలను తెలుసుకున్నారు. అక్కడికక్కడే అధికారులతో మాట్లాడి పరిష్కారానికి చొరవ తీసుకున్నారు. కార్యక్రమంలో పార్టీ మండల అధ్యక్షులు రామునాయక్‌, నర్సిరెడ్డి, పీఏసీఎస్‌ అధ్యక్షులు వెంకట్‌రాంరెడ్డి, ఆయా గ్రామాల సర్పంచులు, ఎంపీటీసీ సభ్యులు, నాయకులు పాల్గొన్నారు.