మన నుంచే పరిశుభ్రత ప్రారంభమవ్వాలి

‘వాష్‌’ గోడపత్రిక ఆవిష్కరిస్తున్న జలమండలి ఎండీ దానకిషోర్‌, పురపాలకశాఖ అధికారులు

ఈనాడు, హైదరాబాద్‌: ఆరోగ్యం పదిలంగా ఉండాలంటే పరిశుభ్రత మన నుంచే ప్రారంభమవ్వాలని జలమండలి ఎండీ దాన కిశోర్‌ సోమవారం అన్నారు. మాసాబ్‌ట్యాంక్‌లోని పురపాలకశాఖ కార్యాలయంలో యునిసెఫ్‌ భాగస్వామ్యంతో వాష్‌(నీరు, పారిశుద్ధ్యం, పరిశుభ్రత) కార్యక్రమ గోడపత్రికను ఆయన ఆవిష్కరించారు. ఈ సందర్భంగా ఆయన మాట్లాడుతూ మన ఇంట్లో సంభవించే మార్పులు, తాగే నీరు, పరిశుభ్రత కారణంగా ఆరోగ్యకరమైన వాతావరణం ఏర్పడుతుందన్నారు. పరిశుభ్రతపై అవగాహన కల్పించేందుకు ప్రభుత్వంలో అన్నిశాఖల అధికారులతో ప్రచారం నిర్వహిస్తున్నామని మెప్మా ఎండీ సత్యనారాయణ తెలిపారు. యునిసెఫ్‌ సహకారంతో మరిన్ని కార్యక్రమాలు నిర్వహించనున్నామని వివరించారు. పురపాలకశాఖ అధికారులు, వాష్‌ ప్రతినిధి వెంకటేశ్‌, ఫణిమాల తదితరులు పాల్గొన్నారు.