TS News: ఎమ్మెల్యేలకు ఎర కేసు.. రామచంద్రభారతి, నందకుమార్‌ విడుదలకు మార్గం సుగమం

హైదరాబాద్‌: ఎమ్మెల్యేలకు ఎర కేసులో ఇద్దరు నిందితుల విడుదలకు మార్గం సుగమమైంది. ఈ కేసులో రిమాండ్‌లో ఉన్న ఏ1 రామచంద్రభారతి, ఏ2 నందకుమార్‌ తరఫున న్యాయవాది నాంపల్లిలోని ఏసీబీ ప్రత్యేక న్యాయస్థానంలో ఒక్కొక్కరికీ రూ.6లక్షల పూచీకత్తుతో పాటు ఇద్దరి జామీను సమర్పించారు. దీంతో ఏసీబీ కోర్టు బెయిల్‌ పత్రాలు జారీ చేసింది. ఈ పత్రాలను చంచల్‌గూడ జైలులో సమర్పించిన తర్వాత జైలు అధికారులు వాటిని పరిశీలించి గురువారం ఇద్దరినీ విడుదల చేయనున్నారు. వారం రోజుల క్రితమే హైకోర్టు బెయిల్‌ మంజూరు చేసినప్పటికీ పూచీకత్తు, జామీను సమర్పించడంలో ఆలస్యం కావడంతో ఇప్పటి వరకు విడుదల కాలేకపోయారు. ఇదే కేసులో ఏ3 సింహయాజీ ఇవాళ చంచల్‌గూడ జైలు నుంచి విడుదలయ్యారు.