logo

ఓయూలో మరిన్ని వసతులు కల్పిస్తాం

విద్యార్థులకు నాణ్యమైన విద్యతోపాటు అత్యాధునిక మౌలిక వసతులు కల్పించేందుకు ప్రభుత్వం కృషి చేస్తుందని విద్యాశాఖ మంత్రి సబితారెడ్డి తెలిపారు.

Published : 08 Dec 2022 02:29 IST

పరిపాలన భవన శంకుస్థాపనలో మంత్రి సబితారెడ్డి

శంకుస్థాపన చేస్తున్న మంత్రులు సబితారెడ్డి, మహమూద్‌అలీ, తలసాని శ్రీనివాస్‌యాదవ్‌ తదితరులు.

ఉస్మానియా యూనివర్సిటీ, న్యూస్‌టుడే: విద్యార్థులకు నాణ్యమైన విద్యతోపాటు అత్యాధునిక మౌలిక వసతులు కల్పించేందుకు ప్రభుత్వం కృషి చేస్తుందని విద్యాశాఖ మంత్రి సబితారెడ్డి తెలిపారు. ఉస్మానియా విశ్వవిద్యాలయంలో నూతన సెంటినరీ పరిపాలనా భవనం నిర్మాణానికి మంత్రులు మహమూద్‌ అలీ, తలసాని శ్రీనివాస్‌యాదవ్‌, ఎమ్మెల్సీ సురభి వాణిదేవి, ఉపమేయర్‌ మోతె శ్రీలతారెడ్డి, ఉన్నత విద్యామండలి ఛైర్మన్‌ ప్రొ.లింబాద్రి, ఓయూ వీసీ ప్రొ.రవీందర్‌లతో కలిసి సబితారెడ్డి బుధవారం శంకుస్థాపన చేశారు. ఆమె మాట్లాడుతూ..  నూతన భవనాన్ని 9 నెలల్లో అందుబాటులోకి తీసుకొస్తామని తెలిపారు. ఓయూలో మరో వసతిగృహం నిర్మిస్తామని తెలిపారు. మెరుగైన వసతులు కల్పించేందుకు సీఎం కేసీఆర్‌ నిర్ణయించారని చెప్పారు. ప్రొ.రవీందర్‌ మాట్లాడుతూ.. త్వరలోనే ఓయూ శతాబ్ది పైలాన్‌, మరో వసతిగృహం నిర్మాణంతోపాటు బీ వసతిగృహం, ఆర్ట్స్‌ కళాశాల ఆధునీకరణ చేయనున్నట్లు తెలిపారు.

Read latest Hyderabad News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని