Chalapathi Rao: ముగిసిన సినీనటుడు చలపతిరావు అంత్యక్రియలు

హైదరాబాద్‌: సినీనటుడు చలపతిరావు అంత్యక్రియలు ముగిశాయి. జూబ్లీహిల్స్‌లోని మహాప్రస్థానం విద్యుత్‌ దహన వాటిక వద్ద ఆయన కుమారుడు రవిబాబు, కుటుంబసభ్యుల సమక్షంలో అంతిమ సంస్కారాలను నిర్వహించారు. అంత్యక్రియలకు పలువురు సినీ ప్రముఖులు హాజరయ్యారు. మంచు మనోజ్‌, దగ్గుబాటి సురేశ్‌బాబు, బండ్ల గణేశ్‌, బోయపాటి శ్రీను, శ్రీవాస్‌, బి.గోపాల్‌, రఘుబాబు, కాశీ విశ్వనాథ్‌ తదితరులు అక్కడికి వెళ్లారు.

హైదరాబాద్‌ బంజారాహిల్స్‌ ఎమ్మెల్యే కాలనీలోని తన నివాసంలో శనివారం రాత్రి చలపతిరావు గుండెపోటుతో మృతిచెందారు. అమెరికాలో స్థిరపడిన కుమార్తెలు శ్రీదేవి, మాలిని హైదరాబాద్‌ చేరుకున్న అనంతరం బుధవారం ఆయన అంత్యక్రియలు పూర్తిచేశారు.