రక్త దానం.. మహా దానం: టీఆర్‌ఆర్‌

రాకంచర్లలో గుర్తింపు పత్రం అందజేస్తున్న టీఆర్‌ఆర్‌

పూడూరు: రక్తదానం మహాదానమని డీసీసీ అధ్యక్షుడు రామ్మోహన్‌రెడ్డి అన్నారు. తిర్మలాపూర్‌ మాజీ సర్పంచి పెంటయ్య పుట్టినరోజు సందర్భంగా గురువారం రాకంచర్లలో రక్తదాన శిబిరం జరిగింది. ఈ సందర్భంగా పెద్దఎత్తున రక్తం ఇచ్చేందుకు యువకులు ముందుకు వచ్చారు. టీఆర్‌ఆర్‌ ట్రస్టు ఆధ్వర్యంలో రక్తాన్ని సేకరించారు. ఈ సందర్భంగా రామ్మోహన్‌రెడ్డి మాట్లాడుతూ.. అత్యవసరంలో పేదలకు ఉపయోగ పడుతుందని ముందుకు రావటంపై యువతను అభినందించారు. కార్యక్రమంలో మండల పార్టీ అధ్యక్షుడు సురేందర్‌ కాంగ్రెస్‌ నాయకులు అల్తాఫ్‌, కండ్లపల్లి శ్రీనివాస్‌, సల్మాన్‌, మోయిన్‌, సాయన్న, భాస్కర్‌, గోపాల్‌ ఉన్నారు.