శంషాబాద్‌ విమానాశ్రయానికి వచ్చిన ఈ-కార్లు

కార్లను తీసుకొచ్చిన కార్గో విమానం

ఈనాడు, హైదరాబాద్‌: ఫార్ములా-ఈ ఛాంపియన్‌షిప్‌ కార్లు శంషాబాద్‌ విమానాశ్రయానికి వచ్చాయి. రియాద్‌ నుంచి బోయింగ్‌ 747-400 ఛార్టెడ్‌ విమానం ద్వారా 90 టన్నుల బరువైన రేసింగ్‌ కార్ల విడిభాగాలు బుధవారం రాత్రి 11.50గంటలకు విమానాశ్రయం కార్గో టెర్మినల్‌కు చేరుకున్నాయి. మరో రెండు విమానాలలో మిగతా రేసింగ్‌ కార్ల భాగాలు చేరుకోనున్నాయని విమానాశ్రయం సీఈవో ప్రదీప్‌ ఫణీకర్‌ గురువారం తెలిపారు. కార్ల విడిభాగాలను 83 పెట్టెల్లో తీసుకురాగా... వాటిని కిందికి దించేందుకు ప్రత్యేకంగా కార్గో హ్యాండ్లింగ్‌ పరికరాలను ఉపయోగించామని తెలిపారు.