రివాల్వర్‌తో సంచారం

సామాజిక మాధ్యమంలో చిత్రం హల్‌చల్‌
పోలీసుల కౌన్సెలింగ్‌

దోమ: భూవివాదంతో ఆరోపణలు ఎదుర్కొంటున్న నిందితుడు  రివాల్వర్‌తో దిగిన తన చిత్రాన్ని సామాజిక మాధ్యమంలో ఉంచాడు. అది వైరల్‌ కావడంతో.. పోలీసులు ఆ వ్యక్తిని ఠాణాకు పిలిచి కౌన్సెలింగ్‌ ఇచ్చారు. దోమ ఠాణా పరిధిలో జరిగిన ఘటన వివరాలు.. ఎస్‌ఐ విశ్వజన్‌ కథనం ప్రకారం.. దోమ మండలంలోని ఓ గ్రామానికి చెందిన వ్యక్తి భూ వివాదంలో నిందితుడు. కొన్ని రోజుల కిందట బెయిలుపై విడుదలయ్యాడు. పక్క మండలంలో ఉన్న న్యాయవాదికి చెందిన అనుమతి ఉన్న రివాల్వర్‌తో ఫొటో దిగి ఓ సామాజిక మాధ్యమ గ్రూపులో పోస్టు చేశాడు. విషయం తెలిసిన పోలీసులు ఠాణాకు పిలిచారు. రివాల్వర్‌ ఎలా పొందాడు?గ్రూపులో ఎందుకు పోస్టు చేశాడు? తదితర వివరాలపై విచారించి, కౌన్సెలింగ్‌ నిర్వహించారు.