ప్రతినెలా మూడు ఉచిత వైద్య శిబిరాలు

పేర్లు నమోదు చేసుకుంటున్న సిబ్బంది

తాండూరు గ్రామీణ, న్యూస్‌టుడే: హైదరాబాద్‌ అమీర్‌పేట్‌ ప్రైవేటు ఆస్పత్రుల ఆధ్వర్యంలో తాండూరు నియోజక వర్గంలో ప్రతినెలా మూడు గ్రామాల్లో వైద్య శిబిరాలు నిర్వహిస్తామని ఆ సంస్థ ప్రతినిధి మల్లేషం తెలిపారు. తాండూరు మండలం బెల్కటూరులో ఈ సంస్థ సౌజన్యంతో ఆదివారం ఉచిత వైద్య శిబిరాన్ని నిర్వహించారు. శిబిరానికి వచ్చిన గ్రామస్థులకు వైద్య నిపుణులు దినేష్‌, శివానీ, అనంతకుమార్‌, జీవీ రావు గుండె, ఎముకలు, సాధారణ వైద్య పరీక్షలు చేశారు. అనంతరం అవసరమైన వారికి ఉచితంగా మందులు, మాత్రలు పంపిణీ చేశారు. సర్పంచి మదన్‌మోహన్‌, ఉపసర్పంచి నాగరాజులు పాల్గొనగా సంస్థ ప్రతినిధులు రూప్‌సింగ్‌, వెంకటేష్‌లు ఏర్పాట్లు పర్యవేక్షించారు.