ఆధ్యాత్మిక కార్యాలకు సమయం కేటాయించాలి: చినజీయర్‌ స్వామి

వైభవంగా 108 దివ్య దేశాధీశులకు శాంతి కల్యాణం

ఉత్సవమూర్తులకు అభిషేకం చేస్తున్న వేద పండితులు

శంషాబాద్‌: ఆధ్యాత్మిక కార్యక్రమాలకు ప్రతి ఒక్కరు కొంత సమయాన్ని కేటాయించాలని శ్రీ త్రిదండి రామానుజ చిన జీయర్‌ స్వామి సూచించారు. శంషాబాద్‌ శ్రీరామనగరంలో నిర్వహిస్తున్న సమతా కుంభ్‌-2023 ఉత్సవాలు ఆదివారం వైభవంగా జరిగాయి. సమతామూర్తి స్ఫూర్తి కేంద్రంలో 108 రూపాల్లో వెలిసిన దివ్య దేశాల ఉత్సవ మూర్తులకు ప్రధాన వేదికపై శాంతి కల్యాణ మహోత్సవాలు నిర్వహించారు. చినజీయర్‌ స్వామి ప్రవచిస్తూ.. 108 దివ్యదేశాలకు సామూహికంగా శాంతి కల్యాణమహోత్సవాలు జరిగిన ఘనత సమతామూర్తి స్ఫూర్తి కేంద్రానికే దక్కిందన్నారు.  ప్రకృతిలోని ప్రాణులన్నింటిపైనా భగవంతుడి కృప ఉంటుందన్నారు.  అహోబిల జీయర్‌ స్వామి, దేవనాధ జీయర్‌ స్వామి, భక్తులు పాల్గొన్నారు.

శఠగోపంతో చిన జీయర్‌ స్వామిని దీవిస్తున్న అర్చకుడు