నాందేడ్‌లో కేసీఆర్‌ను కలిసిన విద్యుత్తు ఉద్యోగులు

వినతిపత్రం ఇస్తున్న ఆలిండియా పవర్‌ ఇంజినీర్స్‌ ఫెడరేషన్‌ ప్రతినిధులు

ఖైరతాబాద్‌, న్యూస్‌టుడే: కేసీఆర్‌ను ఆల్‌ ఇండియా పవర్‌ ఇంజినీర్స్‌ ఫెడరేషన్‌ ప్రతినిధులు నాందేడ్‌లో కలిశారు. ఆదివారం భారాస సభలో పాల్గొనేందుకు వెళ్లినవారు, అక్కడి ఇంజినీర్లతో కలిసి దేశంలోనే తొలిసారిగా తెలంగాణలో కేంద్ర ప్రభుత్వ విద్యుత్తు బిల్లును వ్యతిరేకించిన తీరుకు కృతజ్ఞతలు తెలిపారు. కాంట్రాక్టు సిబ్బందిని క్రమబద్ధీకరించినందుకు ధన్యవాదాలు తెలుపుతూ పాత పెన్షన్‌ విధానం అమలు చేయాలని వినతిపత్రం ఇచ్చినట్లు సంఘం ప్రధాన కార్యదర్శి పి.రత్నాకర్‌రావు ప్రకటనలో తెలిపారు. సీఎంను కలిసిన వారిలో సంఘం సెక్రెటరీ జనరల్స్‌ శివశంకర్‌, పి.సదానందం, వెంకటనారాయణరెడ్డి, జనప్రియ, పీవీరావు, గోపాలకృష్ణ తదితరులున్నారు. తెలంగాణ విద్యుత్తు అకౌంట్స్‌ అధికారుల సంఘ ప్రధాన కార్యదర్శి అంజయ్య బృందమూ ఉన్నట్లు తెలిపారు.