మాతోనే సామాజిక న్యాయం: తెదేపా

కార్యకర్తలతో బక్కని నర్సింహులు

దౌల్తాబాద్‌, న్యూస్‌టుడే: తెలుగుదేశం పార్టీతోనే బడుగు బలహీన వర్గాలకు సామాజిక న్యాయం జరుగుతుందని పార్టీ జాతీయ ప్రధాన కార్యదర్శి బక్కని నర్సింహులు అన్నారు. సోమవారం ఆయన దౌల్తాబాద్‌ మండల కేంద్రంలో పార్టీ కార్యకర్తలు ఏర్పాటు చేసిన సమావేేశంలో కొడంగల్‌ నియోజకవర్గ బాధ్యుడు బాలకిశోర్‌ యాదవ్‌తో కలిసి మాట్లాడారు. త్వరలోనే రాష్ట్రంలో ఇంటింటికీ తెలుగుదేశం పార్టీ అనే నినాదంతో ప్రజల్లోకి వెళ్లేందుకు కార్యాచరణ రూపొందిస్తున్నామన్నారు. ఇందుకోసం ప్రతి గ్రామంలో తెదేపా అభిమానులు, నాయకులు, కార్యకర్తలను కలిసి కమిటీలను ఏర్పాటు చేస్తామన్నారు. పార్టీ మండల నాయకులు వల్గిరి నారాయణ, బిచ్చిరెడ్డి, చారి, మొగులప్ప, మాణిక్యప్ప, నరేందర్‌, కార్యకర్తలు పాల్గొన్నారు.