Hyderabad: ‘తప్పులు చేశాను.. సరైన కొడుకుని కాదు’: సూసైడ్‌ నోట్‌ రాసి ఆత్మహత్య

సాయికుమార్‌

బాలానగర్‌, న్యూస్‌టుడే: ‘తప్పులు చేశాను.. సరిదిద్దుకోలేకపోతున్నాను.. నేను సరైన కొడుకుని కాదు.. తమ్ముడిని బాగా చూసుకోండి’ అంటూ ఓ యువకుడు సూసైడ్‌ నోట్‌ రాసి ఆత్మహత్య చేసుకున్నాడు. బాలానగర్‌ సీఐ కె.భాస్కర్‌ కథనం ప్రకారం..బాలానగర్‌కు చెందిన సాయికుమార్‌(23) సీపీఎం కార్యాలయంలో సోషల్‌ మీడియా ఎడిటర్‌. తమ్ముడు సెల్‌ఫోన్‌ కొనుక్కునేందుకు దాచుకున్న డబ్బును వాడుకోవడంతో ఇటీవల తల్లి సాయికుమార్‌ను మందలించింది. సోమవారం ఇంట్లోకి వెళ్లి తలుపు గడియ పెట్టుకున్నాడు. కొంత సమయం తరువాత తల్లి గమనించి స్థానికుల సాయంతో తలుపు పగులగొట్టి చూడగా సీలింగ్‌ ఫ్యానుకు చీరతో ఉరేసుకొని వేలాడుతూ కనిపించాడు. పోలీసులు సూసైడ్‌ నోట్‌ స్వాధీనం చేసుకున్నారు.