కనుల పండువగా సమతా కుంభ్‌

చిన్నారులతో మాట్లాడుతున్న చిన జీయర్‌స్వామి

శంషాబాద్‌, న్యూస్‌టుడే: శంషాబాద్‌ మండలం, శ్రీరామనగరంలో సమతా కుంభ్‌-2023 ఉత్సవాలు కనుల పండువగా సాగుతున్నాయి. ఆరో రోజు.. మంగళవారం ఉదయం రుత్విజులు నిర్వహించిన సుప్రభాతం, ఆరాధన, సేవాకాలం, నిత్య పూర్ణాహుతి, బలిహరణ, ఆధ్యాత్మిక కార్యక్రమాలు వైభవంగా జరిగాయి. చిన జీయర్‌ స్వామి పర్యవేక్షణలో జరిగిన ఉత్సవ మూర్తుల డోలోత్సవాలను తిలకించిన భక్తులు పులకించారు. సాయంత్రం విష్ణు సహస్రనామ స్త్రోత్ర సామూహిక పారాయణం, సాకేత రామచంద్ర స్వామికి హనుమద్వాహన సేవ, 18 దివ్య దేశాధీశులకు 18 గరుడ సేవలు, తిరు వీధి సేవ, మంగళాశాసనం, తీర్థ ప్రసాద గోష్ఠి జరిగాయి.  దేవనాధ జీయర్‌ స్వామి, అహోబిల జీయర్‌ స్వామి, భక్తులు పాల్గొన్నారు.
నేటి కార్యక్రమాలు ః బుధవారం ఉదయం 11.30 గంటలకు కల్హారోత్సవం, సామూహి పుష్పార్చన ః మధాహ్నం 1.30 నుంచి సాయంత్రం 4.30 వరకు భగవద్గీతలో వేద విద్యార్థుల మేథస్సుపై పరీక్షలు నిర్వహిస్తారు.