13న జాతీయ రహదారి దిగ్బంధం: మందకృష్ణ

గోడపత్రిక ఆవిష్కరిస్తున్న మందకృష్ణ తదితరులు

బౌద్ధనగర్‌, న్యూస్‌టుడే: ఎస్సీ వర్గీకరణకు చట్టబద్ధత కల్పించే విషయంలో జరుగుతున్న జాప్యాన్ని నిరసిస్తూ ఈనెల 13న హైదరాబాద్‌- విజయవాడ జాతీయ రహదారి దిగ్భంధం చేసి తీరుతామని ఎమ్మార్పీఎస్‌ వ్యవస్థాపక అధ్యక్షుడు మందకృష్ణమాదిగ స్పష్టం చేశారు. సికింద్రాబాద్‌ పార్శిగుట్టలోని ఎమ్మార్పీఎస్‌ జాతీయ కార్యాలయంలో ఆయన మాట్లాడారు. అధికారంలోకి వస్తే వర్గీకరణ చేస్తామని చెప్పిన ప్ర£ధాని మోదీ తొమ్మిదేళ్లవుతున్నా.. మాదిగ, మాదిగ ఉపకులాల ఆవేదనను అర్థం చేసుకోవటం లేదని ఆరోపించారు. భాజపా చేసిన జాప్యం కారణంగా ఈ తొమ్మిదేళ్లలో విద్య, ఉద్యోగ అవకాశాల్లో వేలాది మంది మాదిగ, మాదిగ ఉపకులాల యువతకు నష్టం జరిగిందని పేర్కొన్నారు. 11న ఆదిలాబాద్‌లో అమిత్‌షా మాదిగల ఆగ్రహం చవిచూస్తారన్నారు. తమ ఆవేదన అర్థం చేసుకోనందుకే.. జాతీయ రహదారి దిగ్భంధం చేస్తున్నట్లు ప్రకటించారు. వర్గీకణ కోసం ఏ త్యాగానికైనా సిద్ధమన్నారు. మాదిగ సమాజం మొత్తం ఈనెల 13న రోడ్డెక్కాలని పిలుపునిచ్చారు.