TSPSC: పేపర్‌ లీకేజీ వ్యవహారం.. మోకాలిపై కూర్చొని ఏబీవీపీ నిరసన

హైదరాబాద్‌: టీఎస్‌పీఎస్సీలో అసిస్టెంట్‌ ఇంజినీర్‌ పరీక్ష ప్రశ్నాపత్రం లీకేజీ వ్యవహారంపై విద్యార్థి సంఘాల నిరసనలు కొనసాగుతున్నాయి. రాష్ట్రవ్యాప్తంగా ఇచ్చిన పిలుపులో భాగంగా బషీర్‌బాగ్‌ కూడలిలో నిజాం కళాశాల ఏబీవీపీ శాఖ ఆధ్వర్యంలో ధర్నా నిర్వహించారు. టీఎస్‌పీఎస్సీ ఛైర్మన్‌ జనార్దన్ రెడ్డిని తక్షణమే బాధ్యతలనుంచి తప్పించాలని డిమాండ్‌ చేస్తూ రోడ్డుపై మోకాళ్లపై కూర్చొని నిరసన చేపట్టారు. టీఎస్‌పీఎస్సీ పేపర్‌ లీక్‌ చేసిన వారిని కఠినంగా శిక్షించి.. బాధ్యులపై తగిన చర్యలు తీసుకోవాలని డిమాండ్‌ చేశారు. లక్షలాది మంది విద్యార్థులతో చెలగాటం ఆడుతున్న వారిపై కఠిన చర్యలు తీసుకోకుండా సీఎం మౌనంగా ఉంటున్నారని ఏబీవీపీ నేతలు విమర్శించారు.