ప్రజా సంక్షేమాన్ని విస్మరించిన ప్రభుత్వం: కేంద్ర మంత్రి

సమావేశంలో మాట్లాడుతున్న కిషన్‌రెడ్డి

బర్కత్‌పుర, న్యూస్‌టుడే: రాష్ట్ర ప్రభుత్వం ప్రజా సంక్షేమాన్ని విస్మరించిందని కేంద్ర మంత్రి కిషన్‌రెడ్డి ఆరోపించారు. ఆదివారం బర్కత్‌పుర భూమన్న లేన్‌లో నిర్వహించిన పార్టీ శక్తి కేంద్రం సమావేశంలో ఆయన మాట్లాడారు. ముఖ్యమంత్రి కేసీఆర్‌ అబద్ధాలతో కాలం వెళ్లదీస్తున్నారని విమర్శించారు. కేంద్ర సర్కార్‌ రాష్ట్రానికి చేయూత అందిస్తోందని, కేసీఆర్‌ ప్రభుత్వం మాత్రం కేంద్రంపై దుష్ప్రచారం చేస్తోందని మండిపడ్డారు. భాజపా హైదరాబాద్‌ సెంట్రల్‌ జిల్లా అధ్యక్షుడు డాక్టర్‌ ఎన్‌.గౌతంరావు, కాచిగూడ కార్పొరేటర్‌ ఉమారాణి, భాజపా నేతలు కన్నె రమేశ్‌యాదవ్‌, శీర్‌సాగర్‌, ఎస్‌.అరవింద్‌, నందకిశోర్‌యాదవ్‌, అనిల్‌ అరోరా, సూర్యప్రకాశ్‌సింగ్‌, చిట్టి శ్రీధర్‌, ఎస్‌ఎస్‌ రాము పాల్గొన్నారు.