బీసీల సమస్యలపై దేశవ్యాప్త ఉద్యమం

మాట్లాడుతున్న వేణుమాధవ్‌, చిత్రంలో శుభప్రద్‌, కోల జనార్దన్‌, గుజ్జ కృష్ణ

కాచిగూడ, న్యూస్‌టుడే: బీసీల సమస్యలపై దేశవ్యాప్త ఉద్యమం చేపట్టినట్లు బీసీ సంక్షేమ సంఘం జాతీయ అధికార ప్రతినిధి, దిల్లీ ఇన్‌ఛార్జి, ఆంధ్రప్రదేశ్‌ స్వర్ణకారుల సంఘం అధ్యక్షుడు కర్రి వేణుమాధవ్‌ తెలిపారు. రాజ్యసభ సభ్యుడు ఆర్‌.కృష్ణయ్య నేతృత్వంలో ఏప్రిల్‌ 3న పార్లమెంటు వద్ద ప్రదర్శన నేపథ్యంలో ఆదివారం హైదరాబాద్‌ కాచిగూడలోని హోటల్‌లో బీసీ సంక్షేమ సంఘం జాతీయ కన్వీనర్‌ గుజ్జ కృష్ణ అధ్యక్షతన జరిగిన సమావేశంలో ఆయన మాట్లాడారు. చలో దిల్లీ కార్యక్రమానికి తెలంగాణ, ఆంధ్రప్రదేశ్‌, కర్ణాటక, తమిళనాడు తదితర రాష్ట్రాల నుంచి బీసీ సంఘాల నేతలు హాజరవుతారని చెప్పారు. సంఘం జాతీయ ప్రధాన కార్యదర్శి కోల జనార్దన్‌, గ్రేటర్‌ హైదరాబాద్‌ అధ్యక్షుడు భూపేశ్‌సాగర్‌, నేత శుభప్రద్‌ పాల్గొన్నారు.