రోడ్డు ప్రమాదంలో వ్యవసాయ శాస్త్రవేత్తకు తీవ్ర గాయాలు

తాండూరు టౌన్‌, న్యూస్‌టుడే: రోడ్డు ప్రమాదంలో తాండూరు వ్యవసాయ శాస్త్రవేత్త డాక్టరు సుధాకర్‌కు తీవ్ర గాయాలయ్యాయి. కుటుంబ సభ్యులు తెలిపిన ప్రకారం.. డ్రైవరుతో కలిసి ఆయన మంగళవారం హైదారాబాద్‌ నుంచి మేడ్చల్‌కు కారులో వెళ్తున్నారు. ఈ క్రమంలో ఆయన ప్రయాణిస్తున్న కారు ప్రమాదానికి గురైంది. ఈ ఘటనలో ఆయన భుజానికి తీవ్ర గాయాలయ్యాయి. వెంటనే ఆయన్ను స్థానికులు నగరంలోని ఓ ప్రయివేటు ఆస్పత్రికి తరలించారు. ప్రమాద విషయం తెలుసుకున్న భార్య డాక్టర్‌ సుధారాణి, ఇద్దరు పిల్లలు వెంటనే ఆస్పత్రికి వెళ్లారు. ఆయనకు ప్రాణాపాయం లేదని కుటుంబ సభ్యులు తెలిపారు.