మనస్తాపంతో యువకుడి ఆత్మహత్య

చాదర్‌ఘాట్‌, న్యూస్‌టుడే: బీటెక్‌ ఫెయిల్‌కావడంతో తీవ్ర మనస్తాపం చెందిన ఓ యువకుడు ఆత్మహత్యకు పాల్పడిన సంఘటన చాదర్‌ఘాట్‌ పోలీస్‌ ఠాణా పరిధిలో చోటు చేసుకుంది. ఇన్‌స్పెక్టర్‌ ప్రకాష్‌ రెడ్డి వివరాల ప్రకారం.. ఓల్డ్‌మలక్‌పేటలోని వాహెద్‌ నగర్‌ ప్రాంతానికి చెందిన సమీరుద్దీన్‌(22) బీటెక్‌ ఫెయిల్‌ అయ్యాడు. రామంతాపూర్‌లోని ఓ ప్రైవేటు కంపెనీలో ఉద్యోగం చేస్తున్నాడు. బీటెక్‌ పాస్‌ కాకపోవడంతో తీవ్ర మనస్తాపం చెంది ఇంట్లోనే మంగళవారం ఉరి వేసుకొని ఆత్మహత్య చేసుకున్నాడు. ఈ విషయాన్ని సమీరుద్దీన్‌ సూసైడ్‌ నోట్‌లో పేర్కొన్నాడని ఇన్‌స్పెక్టర్‌ తెలిపారు. పోలీసులు కేసు దర్యాప్తు చేస్తున్నారు.