యువతితో ఓలా డ్రైవర్‌ అసభ్య ప్రవర్తన

జూబ్లీహిల్స్‌: యువతి(26)తో అసభ్యంగా ప్రవర్తించిన ఓలా బైక్‌ టాక్సీ డ్రైవర్‌పై జూబ్లీహిల్స్‌ పోలీసులు కేసు నమోదు చేశారు. జూబ్లీహిల్స్‌ పోలీసుల కథనం ప్రకారం.. మనికొండకు చెందిన ఒక యువతి ఓలా బైక్‌ టాక్సీ బుక్‌ చేసుకుంది. మణికొండలో ప్రారంభమైన యువతి.. బైక్‌ టాక్సీపై జూబ్లీహిల్స్‌లోని మెఫిల్‌ కూడలి చేరుకుంది. ఈ క్రమంలోనే బైక్‌ టాక్సీ నడుపుతున్న వ్యక్తి.. యువతితో అసభ్యంగా ప్రవర్తించాడు. యువతి గట్టిగా అరిచి వాహనాన్ని నిలపాలని సూచించింది. యువతిని దించి అక్కడి నుంచి వేగంగా వెళ్లిపోయాడు. యువతి ఫిర్యాదు మేరకు జూబ్లీహిల్స్‌ పోలీసులు బైక్‌ టాక్సీ డ్రైవర్‌పై కేసు నమోదు చేసుకొని దర్యాప్తు చేస్తున్నారు.