Crime News: వివాహేతర సంబంధం బెడిసికొట్టి విద్యార్థి ఆత్మహత్య

అభిషేక్‌

కొండపాక, న్యూస్‌టుడే: పెళ్లయి పిల్లలున్న ఓ మహిళతో వివాహేతర సంబంధం ఓ విద్యార్థి ఆత్మహత్యకు దారి తీసింది. సిద్దిపేట జిల్లా కుకునూరుపల్లి మండలం మంగోల్‌కు చెందిన లగిశెట్టి అభిషేక్‌(19) డిగ్రీ చదువుతూ హైదరాబాద్‌ సుచిత్ర ప్రాంతంలోని ఓ షాపింగ్‌మాల్‌లో పనిచేస్తున్నాడు. అక్కడే ఓ వివాహితతో పరిచయమై, వివాహేతర సంబంధానికి దారి తీసింది. ఇటీవల ఆమె మరొకరితో చనువుగా ఉండటం సహించలేని అభిషేక్‌ మానసికంగా కుంగిపోయాడు. మంగోల్‌లో పొలం వద్ద ఈ నెల 17న పురుగు మందు తాగాడు. తల్లిదండ్రులు గమనించి హైదరాబాద్‌లోని ఆసుపత్రికి తరలించగా.. అక్కడ చికిత్స పొందుతూ బుధవారం రాత్రి మృతి చెందాడు.