పథకాలను ఇంటింటికీ తీసుకెళ్లాలి

మాట్లాడుతున్న కేంద్ర మంత్రి కిషన్‌రెడ్డి. చిత్రంలో చింతల రామచంద్రారెడ్డి, ఎన్‌.గౌతంరావు, ప్రకాశ్‌రెడ్డి

బర్కత్‌పుర, న్యూస్‌టుడే: నరేంద్రమోదీ ప్రభుత్వం అన్నివర్గాల సంక్షేమానికి పాటుపడుతోందని, ఈ నేపథ్యంలో కేంద్ర ప్రభుత్వ పథకాలను ప్రతీ ఇంటికి తీసుకెళ్లాలని కేంద్ర మంత్రి కిషన్‌రెడ్డి పార్టీ శ్రేణులను కోరారు. బుధవారం రాత్రి బర్కత్‌పురలోని నగర పార్టీ కార్యాలయంలో.. భాజపా సికింద్రాబాదు పార్లమెంటు నియోజకవర్గ సమావేశం జరిగింది. ఈ సందర్భంగా ఆయన మాట్లాడుతూ, కేంద్ర ప్రభుత్వ పథకాలను రాష్ట్రంలోని భారాస సర్కారు అమలు చేయడం లేదని ఆరోపించారు.  భాజపా హైదరాబాద్‌ సెంట్రల్‌ జిల్లా అధ్యక్షుడు ఎన్‌.గౌతంరావు, మాజీ ఎమ్మెల్యే చింతల రామచంద్రారెడ్డి, నేతలు ఎస్‌.ప్రకాశ్‌రెడ్డి, టి.రాజశేఖర్‌రెడ్డి పాల్గొన్నారు.