గ్రంథాలయ వ్యవస్థలో సమూల మార్పులు రావాలి

ప్రసంగిస్తున్న శ్రీనివాసమూర్తి

శామీర్‌పేట, న్యూస్‌టుడే: గ్రంథాలయ వ్యవస్థలో ఆధునిక సాంకేతిక విధానాలు అమలు చేసేలా సమూల మార్పులు అవసరమని ఇనిస్టిట్యూట్‌ ఆఫ్‌ పబ్లిక్‌ ఎంటర్‌ప్రైజ్‌-ఐపీఈ హైదరాబాద్‌ క్యాంపస్‌ డైరెక్టర్‌ ఎస్‌.శ్రీనివాస్‌మూర్తి పేర్కొన్నారు. గురువారం శామీర్‌పేటలోని ఐపీఈలో ‘లైబ్రరీ ఇన్ఫర్మేషన్‌ వర్క్‌ వ్యవస్థాపకత’ అంశంపై రెండురోజుల జాతీయ సదస్సును ప్రారంభించి ప్రసంగించారు. ఆధునిక కాలంలో లైబ్రరీలకు పాఠకులు వెళ్లే పరిస్థితి లేదని.. ఈ-పత్రిక, యూట్యూబ్‌పై ఆధారపడుతున్నారన్నారు. తొలుత వీడియో కాన్ఫరెన్స్‌లో దిల్లీ ఐసీఎస్‌ఎస్‌ డైరెక్టర్‌ రమేశ్‌ శరనాధుల ప్రసంగిస్తూ.. పలు సూచనలు, సలహాలను అందించారు. కార్యక్రమ కన్వీనర్‌ జి.వెంకటనాగయ్య, కో-కన్వీనర్‌ ప్రార్థనకుమార్‌, వివిధ రాష్ట్రాల సీనియర్‌ లైబ్రేరియన్లు పాల్గొన్నారు.