రాష్ట్రంలో భాజపాను బలోపేతం చేయండి

పార్టీ సంస్థాగత వ్యవహారాల జాతీయ ప్రధాన కార్యదర్శి బీఎల్‌ సంతోష్‌

బీఎల్‌ సంతోష్‌తో మాట్లాడుతున్న బండి

శంషాబాద్‌, న్యూస్‌టుడే: తెలంగాణలో భాజపాను బలోపేతం చేయాల్సిన అవసరం ఉందని పార్టీ సంస్థాగత వ్యవహారాల జాతీయ ప్రధాన కార్యదర్శి బీఎల్‌ సంతోష్‌ తెలిపారు. శనివారం హైదరాబాద్‌కు వస్తున్న క్రమంలో శంషాబాద్‌ విమానాశ్రయంలో రాష్ట్ర అధ్యక్షుడు బండి సంజయ్‌ ఆధ్వర్యంలో నాయకులు స్వాగతం పలికి శాలువాలతో సన్మానించారు. రాష్ట్రంలో పార్టీ స్థితిగతులు, బలం, బలహీనతలను అడిగి తెలుసుకున్నారు.  రాబోయే ఎన్నికల్లో నాయకులు, కార్యకర్తలు సమష్టిగా కృషి చేసి పార్టీ గెలుపునకు పాటుపడాలన్నారు.