క్రీడాకారుల ఆలోచన విధానంలో మార్పు రావాలి: పీటీ ఉష

జెర్సీ ఆవిష్కరణలో ఉష

గచ్చిబౌలి: క్రీడాకారుల ఆలోచన విధానంలో మార్పు రావాలని పరుగుల రాణి, భారత్‌ ఒలింపిక్‌ సంఘం అధ్యక్షురాలు పి.టి.ఉష పేర్కొన్నారు. లిటిల్‌ మిలీనియం ప్లే స్కూల్స్‌ సంస్థ ఆధ్వర్యంలో ఆదివారం ఉదయం గచ్చిబౌలి స్టేడియం వద్ద ‘‘లిటిల్‌ మిలీనియం కిడ్స్‌ మారథాన్‌’’ పేరిట పరుగును చేపట్టనున్నారు. చిన్న పిల్లలపై వేధింపులకు వ్యతిరేకంగా చేపడుతున్న ఈ పరుగుకు సంబంధించిన జెర్సీని శనివారం ఆమె ఆవిష్కరించి మాట్లాడారు. లిటిల్‌ మిలీనియం ఎడ్యుకేషన్‌ ప్రైవేటు లిమిటెడ్‌ సంస్థ ఉపాధ్యక్షులు ఆర్‌.ఆనంద్‌ మాట్లాడుతూ చిన్నారులపై వేధింపులను నిరోధించాలనే లక్ష్యంతో ప్రజల్లో అవగాహన పెంపొందించేందుకు ఏటా మారథాన్‌ను నిర్వహిస్తున్నామని పేర్కొన్నారు. ఆదివారం ఉ.6.30 గంటలకు పరుగును పి.టి.ఉష ప్రారంభిస్తారని తెలిపారు.