పబ్‌లో అశ్లీల నృత్యాలు.. కేసు నమోదు

రెజిమెంటల్‌బజార్‌, న్యూస్‌టుడే: సికింద్రాబాద్‌ రాణిగంజ్‌లోని గోల్డెన్‌ డీర్‌ పబ్‌ శనివారం అర్ధరాత్రి దాటిన తర్వాత కూడా నడుస్తుందనే సమాచారం మేరకు ఉత్తర మండలం టాస్క్‌ఫోర్స్‌ పోలీసులు, మహంకాళి పోలీసులు దాడులు చేశారు. కొంతమంది యువతులు, యువకులు అశ్లీలంగా నృత్యాలు చేస్తుండటంతో వారిని అదుపులోకి తీసుకున్నారు. పబ్‌ యజమానులే వినియోగదారులను ఆకర్షించేందుకు ఇలా నృత్యాలు చేయిస్తున్నట్లు పోలీసులు గుర్తించారు. 9 మంది యువతులను అదుపులోకి తీసుకుని వారిని హోంకు తరలించారు. ఇద్దరు బారు యజమానులతోపాటు మరో 9 మంది యువకులను అదుపులోకి తీసుకుని విచారిస్తున్నారు.