పద్మశాలీలు చైతన్యవంతం కావాలి

లోగో ఆవిష్కరించిన ఎల్‌.రమణ, గుండు సుధారాణి, గూడూరి ప్రవీణ్‌, పొన్నాల శ్రీరాములు ఇతరులు..

నారాయణగూడ, న్యూస్‌టుడే: పద్మశాలి భవన్‌ కేంద్రంగా పనిచేసే సంఘాలతోనే ప్రతిఒక్కరు కలిసి రావాలని ఎమ్మెల్సీ ఎల్‌.రమణ సూచించారు. ఆదివారం రాత్రి నారాయణగూడ, రాజ్‌మోహల్లాలోని పద్మశాలి భవనంలో ‘తెలంగాణ ప్రాంత పద్మశాలి సంఘం’ ఆవిర్భావ సభ నిర్వహించారు. ముఖ్య అతిథిగా హాజరైన ఆయన మాట్లాడుతూ.. పద్మశాలీలు చైతన్యవంతులు కావాలని, రాజ్‌మోహల్లా సంఘాలకే గుర్తింపు ఉంటుందని స్పష్టం చేశారు. సంఘం కన్వీనర్‌ మచ్చ ప్రభాకర్‌రావు అధ్యక్షత వహించారు. వరంగల్‌ మేయర్‌ గుండు సుధారాణి, పవర్‌లూమ్‌ కార్పొరేషన్‌ ఛైర్మన్‌ గూడూరి ప్రవీణ్‌, మాజీ ఎమ్మెల్యే పొన్నాల శ్రీరాములు, అఖిల భారత పద్మశాలి సంఘం అధ్యక్షుడు కందగట్ల స్వామి, సాంబారి సమ్మారావు, జిల్లాల నేతలు కవర్తపు మురళీ, కత్తుల సుదర్శన్‌, బొమ్మ రఘురాం తదితరులు పాల్గొన్నారు.