ఉత్సాహంగా 5కే మెగా హార్ట్‌ రన్‌

పరుగులో పాలుపంచుకున్న టీసీఎస్‌ ఉద్యోగులు

మాదాపూర్‌, న్యూస్‌టుడే: యశోద హాస్పిటల్స్‌, టాటా కన్సెల్టెన్సీ సర్వీసెస్‌ (టీసీఎస్‌) ఐటీ కంపెనీ సంయుక్త ఆధ్వర్యంలో ఆదివారం ఉదయం 5కె మెగా హార్ట్‌రన్‌ పేరిట పరుగును చేపట్టారు. యశోద హాస్పిటల్స్‌ డైరెక్టర్‌ డాక్టర్‌ గోరుకంటి పవన్‌, టీసీఎస్‌ వైస్‌ ప్రెసిడెంట్‌ రాజన్నతో కలిసి జెండా ఊపి ప్రారంభించారు. టీసీఎస్‌ ఉద్యోగులు తమ కుటుంబ సభ్యులతో కలిసి ఉత్సాహంగా పరుగులో పాలు పంచుకున్నారు. యశోద ఆసుపత్రి నుంచి ప్రారంభమైన పరుగు టీసీఎస్‌ డెక్కన్‌ పార్క్‌ మీదుగా తిరిగి యశోద ఆసుపత్రి వరకు సాగింది. గోరుకంటి రవీందర్‌రావు మాట్లాడుతూ మన గుండె ఆరోగ్యంపై ప్రతికూల ప్రభావం చూపే అనారోగ్యకర జీవనశైలికి దూరంగా ఉండాలన్నారు. టీసీఎస్‌ వైస్‌ ప్రెసిడెంట్‌ రాజన్న మాట్లాడుతూ టీసీఎస్‌ ఉద్యోగులంతా తమ ఆరోగ్యం పట్ల శ్రద్ధ వహించి, రోజువారీ నడకపై దృష్టిపెట్టాలని కోరారు. యశోద గ్రూప్‌ ఆఫ్‌ హాస్పిటల్స్‌ డైరెక్టర్‌ డాక్టర్‌. పవన్‌ గోరుకంటి, సీనియర్‌ కార్డియాలజిస్ట్‌ డాక్టర్‌ భరత్‌ పురోహిత్‌ పాల్గొన్నారు.