సామాజిక సేవలో రైస్‌ ఏటీఎంకు పురస్కారం

ఆర్‌. నారాయణమూర్తి, అనిల్‌ కుమార్‌ నుంచి అవార్డు అందుకుంటున్న దోసపాటి రాము

నాగోలు, న్యూస్‌టుడే: రైస్‌ ఏటీఎం ద్వారా లక్ష మందికి పైగా భోజన వసతి, ప్రాజెక్టు ప్రిష పేరిట 1,950 కుటుంబాలకు జీవనోపాధి కల్పించి కరోనా కష్టకాలంలో ఆపన్నులకు ఆసరాగా నిలిచినందుకు సామాజిక సేవకుడు దోసపాటి రాముకు తెలుగు సినిమా వేదిక ఉగాది జీవన సాఫల్య  జాతీయ పురస్కారాన్ని అందించింది. నగరంలోని ఎల్‌వీ ప్రసాద్‌ ఆడిటోరియంలో జరిగిన ఈ కార్యక్రమంలో సినీ నిర్మాత, దర్శకులు, నటులు ఆర్‌.నారాయణమూర్తి, తెలంగాణ చలనచిత్ర అభివృద్ధి మండలి చైర్మన్‌ అనిల్‌కుమార్‌ చేతులమీదుగా ఈ పురస్కారాన్ని అందుకున్నారు.