ఓయూ, కోల్‌ ఇండియా మధ్య అవగాహన ఒప్పందం

ఉస్మానియా యూనివర్సిటీ, న్యూస్‌టుడే: ఉస్మానియా యూనివర్సిటీ ఇంజినీరింగ్‌ కళాశాలలో ప్రారంభమైన మైనింగ్‌ ఇంజినీరింగ్‌ విభాగానికి రూ.3 కోట్ల నిధులు ఇస్తున్నట్లు ఓయూ పూర్వ విద్యార్థి, కోల్‌ ఇండియా ఛైర్మన్‌, మేనేజింగ్‌ డైరెక్టర్‌ ప్రమోద్‌ అగర్వాల్‌ ప్రకటించారు. ఓయూ ఇంజినీరింగ్‌ కళాశాలలో ఏర్పాటుచేసిన కార్యక్రమంలో ఓయూ, కోల్‌ ఇండియా మధ్య అవగాహన ఒప్పందం సోమవారం జరిగింది.ఓయూ వీసీ ప్రొ.రవీందర్‌, సీసీఐ సాంకేతిక విభాగం సంచాలకులు డా.వీరభద్రారెడ్డి, ఓయూ రిజిస్ట్రార్‌ ప్రొ.లక్ష్మినారాయణ, ఇంజినీరింగ్‌ కళాశాల ప్రిన్సిపల్‌ ప్రొ.శ్రీరామ్‌ వెంకటేష్‌ పాల్గొన్నారు.