తెదేపా ఆవిర్భావ సభకు ముమ్మర ఏర్పాట్లు

ఎగ్జిబిషన్‌ మైదానంలో భారీ కటౌట్‌

అబిడ్స్‌, న్యూస్‌టుడే: తెలుగుదేశం పార్టీ ఆవిర్భావ దినోత్సవం, ప్రతినిధుల సభను పురస్కరించుకొని నాంపల్లి ఎగ్జిబిషన్‌ మైదానంలో భారీ ఎత్తున ఏర్పాట్లు చేపట్టారు. పార్టీ తెలంగాణ అధ్యక్షుడు కాసాని జ్ఞానేశ్వర్‌ ఆధ్వర్యంలో కమిటీల ప్రతినిధులు విస్తృతంగా ఏర్పాట్లు చేస్తున్నారు. బుధవారం మధ్యాహ్నం మూడు గంటలకు ప్రారంభమై రాత్రి వరకు కొనసాగే ఈ సభలో తెదేపా జాతీయ అధ్యక్షుడు, మాజీ సీఎం చంద్రబాబునాయుడుతో పాటు ఏపీ, తెలంగాణ రాష్ట్రాలకు చెందిన పార్టీ ప్రతినిధులు, ప్రముఖులు పాల్గొననున్నారు. ఈ నేపథ్యంలో నాంపల్లి ఎగ్జిబిషన్‌ మైదానం లోపల, బయట అటుగా వెళ్లే రోడ్లపై భారీ ఎత్తున కటౌట్లు వెలిశాయి.