శోభాయాత్రకు అన్ని ఏర్పాట్లు చేపట్టాలి

ప్రసంగిస్తున్న డా.భగవంత్‌రావు, చిత్రంలో గోవింద్‌రాఠీ, శ్రీరామ్‌వ్యాస్‌, కరోడిమల్‌ తదితరులు

అబిడ్స్‌, న్యూస్‌టుడే: శ్రీరామ నవమిని పురస్కరించుకొని భాగ్యనగరంలో నిర్వహించే భవ్య శోభాయాత్రలో పాల్గొనే భక్తులకు ఎలాంటి ఇబ్బందులు కల్గకుండా ప్రభుత్వం అన్ని రకాల ఏర్పాట్లు చేపట్టాలని భాగ్యనగర్‌ శ్రీరామ నవమి ఉత్సవ సమితి అధ్యక్షుడు డా.భగవంత్‌రావు కోరారు. ఈ మేరకు సిద్దింబర్‌బజార్‌లోని బాహెతీభవన్‌లో గల ఉత్సవ సమితి కార్యాలయంలో నేతలు గోవింద్‌రాఠీ, శ్రీరామ్‌వ్యాస్‌, కరోడిమల్‌, మెట్టు వైకుంఠం, బాబూగురు తదితరులతో కల్సి ఆయన మాట్లాడుతూ.. ఈ నెల 30న చారిత్రక సీతారాంబాగ్‌ ఆలయంలో ద్రౌపదీ గార్డెన్స్‌ నుంచి శోభాయాత్ర మధ్యాహ్నం ఒంటి గంటకు ప్రారంభమై హనుమాన్‌ వ్యాయామశాలకు రాత్రి 7కు చేరుకుంటుందన్నారు.

రేపు మద్యం దుకాణాలు బంద్‌

నేరేడ్‌మెట్‌: శ్రీరామ నవమిని పురస్కరించుకొని రాచకొండ కమిషనరేట్‌ పరిధిలో గురువారం మద్యం దుకాణాలు మూసివేయాలని సీపీ డీఎస్‌ చౌహాన్‌ ఉత్తర్వులు జారీ చేశారు.