మంత్రి మల్లారెడ్డితో రైతుల వాగ్వాదం

భాజపా నాయకుడు మహిపాల్‌రెడ్డిని   బయటకు తీసుకెళ్తున్న సీఐ అశోక్‌రెడ్డి

ఘట్‌కేసర్‌, న్యూస్‌టుడే: ఘట్‌కేసర్‌లో మంగళవారం నిర్వహించిన రైతు సహకార సంఘం సమావేశంలో మంత్రి మల్లారెడ్డి ప్రసంగానికి రైతులు అభ్యంతరం చెప్పడంతో ఆయన మధ్యలోనే వెళ్లిపోయారు. మల్లారెడ్డి ప్రసంగిస్తుండగా.. కొందరు కర్షకులు రాష్ట్ర ప్రభుత్వానికి వ్యతిరేకంగా నినాదాలు చేశారు. వీరికి భాజపాకు చెందిన ఎంపీపీ వై.సుదర్శన్‌రెడ్డి, ఎంపీటీసీ సభ్యులు మద్దతు పలికారు. దీంతో మంత్రికి కోపం వచ్చి.. ఆందోళన చేస్తున్న వారు రైతులు కాదని, ఇక్కడి నుంచి బయటకు పంపించాలని పోలీసులను ఆదేశించారు. పోలీసులు వారిని బయటకు పంపించారు. కొద్ది సేపు భారాస, భాజపా నేతల మధ్య వాగ్వాదం జరిగింది. దాంతో మంత్రి తన ప్రసంగం మధ్యలో నిలిపేసి వెళ్లిపోయారు.