ఒక్క విదేశీ భాషలోనైనా ప్రావీణ్యం సంపాదించాలి

ఇఫ్లూ క్యాంపస్‌లో విద్యార్థులతో అధ్యాపకులు  

సికింద్రాబాద్‌, న్యూస్‌టుడే: సిద్దిపేటలోని ఇందిరానగర్‌ జిల్లా పరిషత్‌ ఉన్నత పాఠశాల 9వ తరగతి విద్యార్థులు మంగళవారం ఓయూ పరిధిలోని ఇఫ్లూ(ఇంగ్లీష్‌ అండ్‌ ఫారిన్‌ లాంగ్వేజెస్‌ యూనివర్సిటీ) క్యాంపస్‌లో విదేశీ భాష, ఆంగ్ల తరగతులకు హాజరయ్యారు. 160 మంది విద్యార్థులు క్యాంపస్‌ను సందర్శించారు. ఓ బ్యాచ్‌ విద్యార్థులు ఫ్రెంచ్‌ భాషా తరగతికి, మరో బ్యాచ్‌ స్పానిష్‌, ఆంగ్లభాష తరగతులకు హాజరయ్యారు. ఆర్థిక, వైద్య ఆరోగ్యశాఖ మంత్రి హరీశ్‌రావు అభ్యర్థనమేరకు ఇఫ్లూ ఇందిరానగర్‌ పాఠశాలను దత్తత తీసుకుని విద్యార్థులకు ఆంగ్లం, విదేశీ భాషల్లో శిక్షణ ఇచ్చినట్లు ఇఫ్లూ వీసీ ప్రొ.ఇ.సురేష్‌కుమార్‌ వివరించారు. ప్రతి ఒక్కరూ ఒక్క విదేశీ భాషలోనైనా ప్రావీణ్యం సంపాదించాలని సూచించారు. రాష్ట్ర వైద్యసంస్థ కౌన్సిల్‌ సభ్యుడు పాల సాయిరామ్‌, సిద్దిపేట జిల్లా విద్యాశాఖ అధికారులు రామస్వామి, సత్యనారాయణరెడ్డి, పాఠశాల విద్యార్థులు పాల్గొన్నారు.