సేవా లోపాలపై కొరడా

ఈనాడు, హైదరాబాద్‌: సైదాబాద్‌కు చెందిన విక్రమ్‌ ప్రతివాద సంస్థలో జీవిత బీమా పాలసీ 2014లో తీసుకున్నారు. 2044 వరకు దీని గడువు. ప్రతినెలా రూ.9,425 ప్రీమియం చెల్లిస్తూ వస్తున్నారు. ఈ క్రమంలో కిడ్నీ సమస్యతో బాధపడుతూ 2021 జూన్‌లో మరణించారు. బీమా డబ్బు చెల్లించాలంటూ అతడి భార్య ప్రతివాద సంస్థను ఆశ్రయించగా క్లెయిమ్‌ తిరస్కరించారు. విచారించిన వినియోగదారుల  కమిషన్‌-2 క్లెయిమ్‌ మొత్తం రూ.75లక్షలు, రూ.లక్ష పరిహారం, రూ.10వేలు కేసు ఖర్చులు చెల్లించాలని ఆదేశించింది.

* ఎస్‌బీఐ క్రెడిట్‌కార్డ్‌ డివిజన్‌కు వినియోదారుల కమిషన్‌-2 జరిమానా విధించింది. బంజారాహిల్స్‌కు చెందిన సీహెచ్‌ బాలక్రిష్ణరావు ఫిర్యాదును విచారించిన కమిషన్‌ ఈ మేరకు తీర్పు వెలువరించింది. రూ.13,048 తిరిగి చెల్లించడంతో పాటు రూ.10వేలు పరిహారం, రూ.5వేలు కేసు ఖర్చులు ఇవ్వాలని ఆదేశించింది.
* లిబర్టీ జనరల్‌ ఇన్సూరెన్స్‌ కంపెనీ లిమిటెడ్‌కు వినియోగదారుల కమిషన్‌-2 జరిమానా విధించింది. నాగర్‌కర్నూల్‌కు చెందిన ఎస్‌.రాజశేఖర్‌ ఫిర్యాదును విచారించిన కమిషన్‌ పంజాగుట్ట, ముంబయిలోని శాఖలను బాధ్యులను చేస్తూ  రూ.3,01,271 మరమ్మతులకు చెల్లించడంతో పాటు రూ.20వేలు పరిహారం, రూ.5వేలు కేసు ఖర్చులు ఇవ్వాలని ఆదేశించింది.