స్టెరాయిడ్స్‌ విక్రయిస్తున్న ఇద్దరి అరెస్టు

ప్రసాద్‌,   బాలాజీ

వనస్థలిపురం, హయత్‌నగర్‌: హార్మోన్‌ ఉత్ప్రేరక ఔషధాలను అధిక ధరలకు విక్రయిస్తున్న ఇద్దరిని ఎల్బీనగర్‌ ఎస్‌ఓటీ పోలీసుల సహకారంతో హయత్‌నగర్‌ పోలీసులు పట్టుకున్నారు. శనివారం వనస్థలిపురంలోని తన కార్యాలయంలో ఏసీపీ పురుషోత్తంరెడ్డి ఈ వివరాలు వెల్లడించారు.  కర్ణాటకలోని నాందేడ్‌ జిల్లా బిలోలి గ్రామానికి చెందిన బాలజీ ధర్మాజీ పుండుగే(36) హయత్‌నగర్‌లోని ఓ ఆసుపత్రిలో కాంపౌండర్‌గా పనిచేస్తున్నాడు. ఇతని సమీప బంధువు ప్రసాద్‌ గులాబ్‌రావు పుండుగే(23)తో కలిసి ఆసుపత్రిలో లభించే పలు రకాలైన హార్మోన్‌ ప్రేరేపిత మందులు, స్టెరాయిడ్‌లను జిమ్‌కు వెళ్లే, గంజాయికి బానిసలైన యువతను ఆకర్షిస్తూ.. విక్రయించడం ఆరంభించారు. విశ్వసనీయ సమాచారం మేరకు పోలీసులు దాడి చేసి శనివారం నిందితులు ఇద్దరినీ హయత్‌నగర్‌లో అరెస్టు చేశారు. వారి నుంచి వివిధ రకాలైన 30 ఇంజక్షన్లు, రెండు సెల్‌ఫోన్‌లను స్వాధీనం చేసుకున్నారు.