Hyderabad: ఇంటి గోడ కూలి ముగ్గురి చిన్నారులకు గాయాలు

హైదరాబాద్‌: నగరంలోని కూకట్‌పల్లి మూసాపేట్‌ ప్రగతి నగర్‌ కాలనీలో పాత ఇంటి గోడ కొంతమేర కూలింది. ఈ ఘటనలో ముగ్గురు చిన్నారులు గాయపడ్డారు. ఈ ప్రమాదంలో ఒక చిన్నారి కాలు విరగ్గా.. మరో ఇద్దరు చిన్నారులకు తలకు స్వల్ప గాయాలయ్యాయి. గమనించిన స్థానికులు వెంటనే సమీప ఆసుపత్రికి తరలించి చికిత్స అందించారు. ప్రస్తుతం చిన్నారుల పరిస్థితి నిలకడగానే ఉన్నట్లు వైద్యులు తెలిపారు. 

సంఘటనా స్థలానికి చేరుకున్న పోలీసులు వివరాలు సేకరిస్తున్నారు. పాత ఇంటి గోడ కొంతభాగం కూలి కింద పడినట్లు తెలుస్తోంది. అయితే, చిన్నారులు గోడ పైన ఉన్నారా? కింద ఉన్నారా? అనే దానిపై స్పష్టత రాలేదు. ఈ మేరకు పోలీసులు దర్యాప్తు చేస్తున్నారు.