Hyderabad: నేడే డబుల్‌ బెడ్‌ రూమ్‌ అర్హుల జాబితా ప్రకటన

ఈనాడు, హైదరాబాద్‌: గ్రేటర్‌ హైదరాబాద్‌లో రెండు పడకగదుల ఇళ్లు పొందేందుకు అర్హులైన 36,907 మంది అదృష్టవంతుల వివరాలు బుధవారం వెల్లడి కానున్నాయి. గ్రేటర్‌లోని 24 శాసనసభ నియోజకవర్గాల పరిధిలో నివసిస్తున్నవారిలో అర్హుల పేర్లు తెలియనున్నాయి. వాటిని హైదరాబాద్‌ జిల్లా కలెక్టరేట్‌లో మంత్రులు తలసాని శ్రీనివాస్‌ యాదవ్‌, సబితా ఇంద్రారెడ్డి, సీహెచ్‌ మల్లారెడ్డి, మహమూద్‌ అలీలు వెల్లడించనున్నారు. గ్రేటర్‌ పరిధిలో బుధవారం నిర్వహించనున్న లక్కీడ్రాలో ఎంపికైన 36,907 మందికి అక్టోబరు 3, 5 తేదీల్లో ఇళ్లను పంపిణీ చేస్తామని జిల్లా కలెక్టర్‌ అనుదీప్‌ దురిశెట్టి వివరించారు.