Hyderabad Metro Rail: మెట్రో ఆగింది.. రద్దీ పెరిగింది

ఈనాడు, హైదరాబాద్‌: నాగోల్‌-రాయదుర్గం మెట్రో మార్గంలో మంగళవారం ఉదయం 8 గంటల సమయంలో సాంకేతికత సమస్య తలెత్తింది. మెట్రో రైలు పలు స్టేషన్లలో 5 నుంచి 15 నిమిషాలపాటు నిలిచిపోయింది. హబ్సిగూడలో 10 నిమిషాలు, మెట్టుగూడలో ఒకసారి 15 నిమిషాలు, మరోసారి 5 నిమిషాలు, తార్నాకలో 10 నిమిషాలు ఆగింది. ఈ ప్రభావం మిగతా స్టేషన్లపై కన్పించింది. అమీర్‌పేట నాగోల్‌ ఫ్లాట్‌ఫాంపై పెద్ద సంఖ్యలో ప్రయాణికులు కనిపించారు. సాంకేతికత సమస్య తలెత్తడంతో వెంటనే సరి చేసి సర్వీసులు పునరుద్ధరించినట్లు మెట్రో వర్గాలు తెలిపాయి.

భక్తులతో ఖైరతాబాద్‌ స్టేషన్‌ కిటకిట.. : బడా గణేశ్‌ను దర్శించుకునేందుకు భక్తులు పోటెత్తడంతో ఖైరతాబాద్‌ మెట్రో స్టేషన్‌ కిటకిటలాడింది. ఖైరతాబాద్‌ పరిసరాలు భక్తులతో నిండిపోవడంతో వాహనాలను దూరంలో నిలపాల్సి వచ్చింది.