అతిథి అధ్యాపకుల సేవలు కొనసాగించాలి

మంత్రి సబితారెడ్డికి వినతిపత్రమిస్తున్న వెంకటేశ్‌, కిశోర్‌కుమార్‌

కాచిగూడ: రాష్ట్రంలోని డిగ్రీ కళాశాలల్లో పనిచేస్తున్న అతిథి అధ్యాపకుల సేవలను 2023-24 విద్యా సంవత్సరానికి కొనసాగించాలని తెలంగాణ నిరుద్యోగ ఐకాస ఛైర్మన్‌ నీల వెంకటేశ్‌ కోరారు. 1940 మందిని రెన్యువల్‌ చేయకపోవడంతో వారు ఆందోళనకు గురవుతున్నారన్నారు. ఈ విషయమై మంగళవారం ఆయన తెలంగాణ డిగ్రీ లెక్చరర్స్‌ ఫోరం అధ్యక్షుడు డాక్టర్‌ కిశోర్‌కుమార్‌తో కలిసి సచివాలయంలో మంత్రి సబితారెడ్డికి వినతిపత్రాన్ని అందజేశారు. వీరికి పని గంటల ప్రాతిపదికన కాకుండా నెలవారీగా వేతనాలను ఇవ్వాలని కోరారు.