ఉపకార వేతన బకాయిల విడుదలకు వినతి

మంత్రి కమలాకర్‌కు వినతిపత్రం అందజేస్తున్న రాజేశ్వర్‌యాదవ్‌, నేతలు

గోల్నాక, న్యూస్‌టుడే: రాష్ట్రంలోని బీసీ విద్యార్థుల ఉపకార వేతల బకాయిలు రూ. 5 వేల కోట్లను వెంటనే విడుదల చేయాలని తెలంగాణ బీసీ సంఘం రాష్ట్ర అధ్యక్షుడు రాజేశ్వర్‌యాదవ్‌ కోరారు. బీసీ బంధు ద్వారా ఒక్కో పేద కుటుంబానికి రూ. 10 లక్షల సహాయాన్ని అందజేయాలన్నారు. ఈ విషయమై మంగళవారం ఆయన సంఘం రాష్ట్ర ప్రధాన కార్యదర్శి రవికుమార్‌చారి, కార్యదర్శి రవీందర్‌యాదవ్‌ తదితరులతో కలిసి మంత్రి గంగుల కమలాకర్‌కు బంజారాహిల్స్‌లోని నివాసం వద్ద వినతిపత్రాన్ని అందజేశారు. నియమిత పదవుల్లో 50 శాతం బీసీలకు కేటాయించాలని కోరారు.