పశువుల మేత స్థలంలో ప్లాట్లు వేయడం తగదు

టౌన్‌షిప్‌కు కేటాయించిన భూమిని పరిశీలిస్తున్న కమిటీ సభ్యులు

రాయచోటి, న్యూస్‌టుడే: మూడు గ్రామాలకు సంబంధించిన పశువులు, జీవాలు మేత కోసం కేటాయించిన ప్రభుత్వ భూమిని టౌన్‌షిప్‌ ప్లాట్లు వేసేందుకు అమ్ముకోవడం తగదని పట్టణ సమైక్య రాష్ట్ర కమిటీ సభ్యుడు సత్యనారాయణ, రాయచోటి కన్వీనర్‌ ఎ.రామాంజులు పేర్కొన్నారు. ఆదివారం కమిటీ సభ్యులతో కలిసి టౌన్‌షిప్‌కు కేటాయించిన స్థలాన్ని పరిశీలించారు. క్యాటిల్‌ గైజింగ్‌కు కేటాయించిన భూమిని ప్రజలకు కట్టబెట్టి వ్యాపారం చేయాలనుకోవడం మోసం చేయడం కాదా అని వారు ప్రశ్నించారు. ఇటువంటి భూమిని ప్రజా అవసరాల కోసం వినియోగించాలని 2011లో సుప్రీం కోర్టు తీర్పు ఇచ్చిందన్నారు. కార్యక్రమంలో కమిటీ సభ్యులు నాగబసిరెడ్డి, వినయ్‌కుమార్‌, మాదవయ్య పాల్గొన్నారు.