క్రికెట్‌ ఆడుతున్న ట్రాన్స్‌కో సీఈ శ్రీరాములు

కడప క్రీడలు, న్యూస్‌టుడే: గణతంత్ర దినోత్సవాన్ని పురస్కరించుకొని ఏపీ ట్రాన్స్‌కో నిర్వహిస్తున్న క్రీడా పోటీలు ఉత్సాహంగా సాగాయి. కడప, చిత్తూరు జిల్లాల విద్యుత్తు ఉద్యోగులు పాల్గొంటున్న ఈ క్రీడా పోటీల్లో ఈనెల 25వ తేదీ వరకు జరగనున్నాయి. శనివారం స్థానిక డీఎస్‌ఏ మైదానంలో ట్రాన్స్‌కో చీఫ్‌ ఇంజినీర్‌ శ్రీరాములు ముఖ్య అతిథిగా హాజరై పోటీలను ప్రారంభించారు. ఈ సందర్భంగా ఆయన మాట్లాడుతూ.. విధి నిర్వహణలో అలసిపోయిన ఉద్యోగులకు ఈ క్రీడా పోటీలు ఉత్సాహాన్ని ఇస్తాయన్నారు. మూడు రోజులపాటు విద్యుత్తు ఉద్యోగులు సమస్యలన్నింటినీ మరిచిపోయి ఆనందంగా ఆటలాడాలన్నారు. కార్యక్రమంలో ఏఈఈ గోవిందురాజు, ఈఈఈ గిరిధర్‌, డీఈఈ శ్రీనాథుడు, ఈఈఈ గోవిందురాజు, మస్తాన్‌, వీరాంజనేయులు, వెంకటరమణ, ఉద్యోగులు, సిబ్బంది పాల్గొన్నారు.