గల్లంతైన వ్యక్తి మృతదేహం లభ్యం

చాగలమర్రి, న్యూస్‌టుడే: తెలుగుగంగ మినీ జలాశయంలో పడిన హుషేన్‌బాషా(32) మృతదేహం బుధవారం లభ్యమైంది. చాగలమర్రి పట్టణానికి చెందిన వెల్డింగ్‌ వర్కర్‌ హుసేన్‌ బాషా(32) ఈ నెల 23న స్నేహితులతో కలసి భైరవగుండాల వద్దకు సరదాగా గడిపేందుకు వెళ్లి ప్రమాదవశాత్తు తెలుగు గంగ కాలువలో పడి గల్లంతైన విషయం తెలిసిందే. ఎస్సై మారుతీ రెండు రోజులుగా గాలించారు. దువ్వూరు మండలం నీలాపురం కొండల్లోని కాలువలో తేలియాడుతున్న శవాన్ని స్థానికులు గుర్తించి బుధవారం సమాచారం ఇచ్చారు. హుసేన్‌ బాషా మృతదేహంగా గుర్తించి ఆళ్లగడ్డకు తరలించామని ఎస్సై మారుతి తెలిపారు.