అన్ని రంగాల అభివృద్ధే ధ్యేయం : ఎంపీ అవినాష్‌రెడ్డి

స్థానికుల సమస్యలు వింటున్న ఎంపీ అవినాష్‌రెడ్డి

పులివెందుల, న్యూస్‌టుడే: అన్ని రంగాల అభివృద్ధే ధ్యేయంగా రాష్ట్ర ప్రభుత్వం కృషి చేస్తోందని ఎంపీ వైఎస్‌ అవినాష్‌రెడ్డి అన్నారు. పులివెందులలోని ముఖ్యమంత్రి క్యాంపు కార్యాలయంలో బుధవారం ప్రజాదర్బార్‌ నిర్వహించారు. జిల్లా నమూలల నుంచి ప్రజలు, అధికారులు, వైకాపా నాయకులు కలిశారు. పురపాలక ఛైర్మన్‌ వరప్రసాద్, మార్కెట్ యార్డు ఛైర్మన్‌ చిన్నప్ప, కాలుష్య నియంత్రణ మండలి బోర్డు డైరెక్టర్‌ మరకా శివకృష్ణారెడ్డి, వైకాపా తొండూరు మండలం బాధ్యుడు వైఎస్‌ మధనమోహన్‌రెడ్డిలు ఎంపీని కలిసి పలు సమస్యలను ఆయన దృష్టికి తీసుకొచ్చారు. ప్రజలు విన్నవించిన కొన్ని సమస్యలను అక్కడికక్కడే పరిష్కరించారు.