పరిహారం చెల్లించాలని ఆందోళన

నిరసన వ్యక్తం చేస్తున్న సున్నపురాళ్లపల్లె వాసులు

అరవిందనగర్‌ (కడప), న్యూస్‌టుడే: ఉక్కు పరిశ్రమ నిర్మాణానికి భూములు తీసుకున్నారని, ఇంతవరకు పరిహారం మాత్రం చెల్లించడం లేదని జమ్మలమడుగు మండలం సున్నపురాళ్లపల్లె, పెద్దనూరు గ్రామాల ప్రజలు ఆవేదన వ్యక్తం చేశారు. కలెక్టర్‌ కార్యాలయం ఎదుట సోమవారం వారు నిరసన తెలిపారు. ఎకరాకు రూ.7.50 లక్షల పరిహారం ఇస్తామని ఇంతవరకు పట్టించుకోలేదన్నారు. అప్పట్లో మా భూములు బ్యాంకుల్లో పెట్టి అప్పు తీసుకున్నామని, ఇప్పుడు బ్యాంకు అధికారులు అప్పు చెల్లిస్తారా భూములిస్తారా అంటూ ఒత్తిడి చేస్తున్నారని ఆవేదన వ్యక్తం చేశారు. తక్షణమే జిల్లా అధికార యంత్రాంగం స్పందించి పరిహారం చెల్లించేవిధంగా చర్యలు తీసుకోవాలని వారంతా కోరారు.