రెండేళ్ల క్రితం సమ్మక్క సారలమ్మ జాతర సమయంలో చేపట్టాల్సిన రహదారి నిర్మాణం పనులకు ఇప్పుడు మోక్షం లభించింది. రాజీవ్‌ రహదారి నుంచి గోదావరిఖనిలోని సమ్మక్క, సారలమ్మ గద్దెల నుంచి గోదావరినది వరకు రహదారి నిర్మాణం కోసం డి.ఎం.ఎఫ్‌.టి. నిధులు రూ.40 లక్షలు కేటాయించారు. అప్పట్లో కంకర వేసి రహదారి నిర్మాణం పనులు మొదలుపెట్టినప్పటికీ వివిధ కారణాలతో ఆపేశారు. తాజాగా ఫిబ్రవరిలో సమ్మక్క సారలమ్మ జాతర నిర్వహించనున్న నేపథ్యంలో అదే నిధులు, అదే గుత్తేదార్లతో సిమెంటు రహదారి నిర్మాణం పనులు చేపట్టారు. రోడ్డు మధ్యలో కొంత స్థల వివాదం ఉండడంతో దానిని వదిలేసి నిర్మాణం పనులు చేస్తున్నట్లు అధికారులు పేర్కొంటున్నారు.

- న్యూస్‌టుడే, గోదావరిఖని పట్టణం